أعلنت الإعلامية رضوى الشربيني خلال حلقة الأمس من برنامج “هي وبس” الذي يبث على قناة سفرة التابعة لقناة CBC ، عن توقف عرضها للبرنامج لفترة كي تتمكن من التواجد مع بناتها.
وكشفت أن ابنتيها غاضبتان من عدم تواجدها كثيرا معهما فقررت الشربيني قضاء الوقت معهما ، ابتداءا برأس السنة الجديدة لفترة ، قائلة: أنا عارفة إن أنا أول مرة أعمل الحركة دي”.
وأكملت :” قعدنا أربعة مواسم ماعملتهاش، أنا بستأذنكم إن أنا أطلع إجازة وإن شاء الله مش هتبقى إجازة طويلة”.
وأضافت:” هحاول على قد ما أقدر، أنا عارفة أنكم أتعودتم إن كل المواسم بتكون بالشهور الكتير دون فاصل في النصف”.
وتابعت رضور حديثها:”لكن في الحقيقة أنا بناتي زعلانين مني جدًا وهما قاعدين وراء الكاميرا دلوقتي، فعايزة أكون معاهم شوية”.
واستكملت رضوى:” كمان الموسم دا أصعب موسم في الخمسة والحلقات تقيلة وكل حاجة تقيلة وأنا كنت عايزة آخد الإجازة من بدري”.
واختتمت:” وكنا بدأنا الموسم من قريب، فمهنيًا، ما ينفعش وكنا متفقين مع ناس، ولقيت التوقيت المناسب رأس السنة، أنتم بتحتفلوا وأنا كما أحتفل مع بناتي حبايبي وأمي واللي حواليا، وآخد إجازة”.
