خرج الفنان المصري تامر حسني عن صمته أخيرا بعد نشر زوجته بسمة بوسيل قصة انفصالهما حيث قام بنشر رسالة عتاب على الستوري الخاص به في صفحته على الانستغرام قائلا :”بسمة حببتي للاسف انتي مفكرتيش كويس و سلمتي ودنك لشر السوشيال ميديا عشان كان تعليق كلامهم فارغ نسوكي انك عرفتيني وانا مشهور ودي طبيعة شغلي الي عرفتيني عليها وحبيبتني بيها”.
وأضاف تامر :” أزاي وصلوكي للزعل والبعد فترة .. المهم انا مش هزعل منك ولا يرضيني زعلك انتي حبيبتي و ام ولادي .. انا ضهرك وسندك مهما حصل، بس اللي عايز اقوله لعل نكون سبب خير في توعية ناس كتير”
واستكمل رسالته :”ليه لما اي حد بيزعل من حد بيطلع يكتب عليه في السوشيال ميدي طب حتي يكلمه الاول ايه علاقة الناس بعلاقة شخصية بين اتنين ممكن تتحل في التليفون او في زيارة رحيمة ما بينهم وياريتها مشكلة اصلا”.
وتابع ” ربنا جعل ما بينا مودة ورحمة عشان كدا للاسف انتي عرفى ان في ناس في طبيعتهم حب خراب البيوت ومش هنخلص منهم بس انتي اللي هتخلصي من فكرة انك تسمعيهم”.
وانهى رسالته قائلا :”ياريتك تركزي مع طاقة الناس اللي دعولنا ودعوا لولادنا وفغلا انا بشكر كل الناس والفنانين اللس سعوا في الخير لينا.. متهورة بس بحبك”.
جاءت هذه الرسالة بعد انتشار خبر انفصالهما ببضعة أيام حيث صرح تامر اخيرا بشيء بخصوص هذا الموضوع بعد صمت ، ويعتقد البعض أن هذه الرسالة جاءت بعد تدخل مجموعة من الأصدقاء والفنانين للصلح فيما بينهم .
مصادر مقربة أكدت عودة المياه لمجاريها ليلة أمس بحضور مجموعة من الاصدقاء المقربين والأهل وأن تامر عاد الى بيت الزوجية .
